Почитувани наставници, ученици, родители и соработници,

Добре дојдовте во ООУ „Гоце Делчев“ – Илинден.

 

Нашето училиште претставува дом на знаења и секако место каде што секој ученик ја започнува својата патека кон успехот и личниот развој. Верувам дека сплотеноста и заедништвото се темел на секоја здрава и успешна заедница. Затоа, во нашето училиште, негуваме средина во која учењето не е само обврска, туку радост и предизвик. Секој ден е нова можност за напредок, за градење на знаења и вредности кои ќе бидат темел на иднината на нашите ученици. Успехот на едно училиште е резултат на соработката помеѓу сите чинители во образовниот процес – учениците, наставниците, родителите и локалната заедница. Само преку заеднички труд и меѓусебна поддршка можеме да изградиме училиште со кое ќе се гордееме сите. Нашата визија е училиште на успехот и човековите вредности, училиште кое расте и се развива заедно со своите ученици, наставници и родители. Ве поканувам да бидете активен дел од овој процес. Со заедничка енергија и верба во нашите потенцијали, можеме да создадеме средина каде што секој ученик ќе има шанса да блесне.

 

Со почит,

в.д. Директор на ООУ „Гоце Делчев“ – Илинден Маргарита Блажевска