АКТИВНОСТИ

НАТПРЕВАРИ

“Противпожарна заштита (ППЗ)“

Денес, 14.11.2025 година, во просториите на нашето училиште ООУ „Гоце Делчев“ – Илинден, се одржа општинскиот натпревар по противпожарна заштита за младинци и пионери. Нашето училиште имаше чест да биде домаќин на овој настан, кој се одвиваше во пријатна и мотивирачка атмосфера, со учество на ученици од сите училишта во општината.
Учениците од ООУ „Гоце Делчев“ постигнаа исклучителен успех и уште еднаш ја потврдија својата подготвеност, знаење и тимска работа. Во категоријата младинци, тимот составен од Дамјан Мицевски, Леонтин Спасиќ и Давид Бостанџиевски го освои првото место и се пласира на градскиот противпожарен натпревар што ќе се одржи на 18.11.2025 година во просториите на Црвениот крст „Даре Џамбаз“. Во категоријата пионери, тимот во состав Василиј Ивановски, Сара Филиповска и Моника Петровска го освои третото место, покажувајќи одлично знаење и ентузијазам.
Горди сме на нашите ученици за постигнатите резултати и им посакуваме уште поголем успех на претстојните натпревари.